Probas para a obtención do título de graduado en educación secundaria obrigatoria para maiores de 18 anos

A Consellería de Educación, Ciencia, Universidades e Formación Profesional convoca as probas para a obtención do título de graduado en educación secundaria obrigatoria para maiores de dezaoito anos nas convocatorias de marzo e xuño de 2026.

Os contidos da proba están integrados nos seguintes ámbitos:

• Ámbito científico-tecnolóxico, no que se integran os aspectos básicos do currículo referidos ás materias de Física e Química, de Bioloxía e Xeoloxía, de Matemáticas, e de Tecnoloxía e Dixitalización.
• Ámbito social, no que se integran os aspectos básicos do currículo referidos ás materias de Xeografía e Historia e de Educación en Valores Cívicos e Éticos.
• Ámbito da comunicación, no que se integran os aspectos básicos do currículo referidos ás materias de Lingua Galega e Literatura, de Lingua Castelá e Literatura e de Lingua Estranxeira (inglés ou francés).

Requisitos:

- Ser maior de 18 anos ou facer esa idade no ano 2026.

- Non estar en posesión do título de graduado en educación secundaria.

- Non estar nin ter estado a cursar ensinanzas de educación secundaria obrigatoria ordinaria nin de formación profesional básica no curso 2025-2026, agás as persoas matriculadas durante este curso na educación secundaria para persoas adultas, que poderán inscribirse nas probas se previamente cumpren as seguintes condicións:

. Ter solicitado a baixa nas ensinanzas do segundo cuadrimestre.

. Así mesmo, para acudir á primeira convocatoria, as persoas con ámbitos do primeiro cuadrimestre sen superar deberán renunciar á avaliación extraordinaria deses ámbitos.

PRAZO, FORMA E LUGAR DE PRESENTACIÓN DE SOLICITUDES DE INSCRICIÓN

• Convocatoria de marzo: do 26 de xaneiro ao 6 de febreiro de 2026, ambos os dous incluídos.

        20 de febreiro: listaxes provisionais de persoas admitidas e excluídas e o centro en que debe             realizar a proba.

• Convocatoria de xuño: do 7 ao 17 de abril de 2026, ambos os dous incluídos.

        30 de abril: listaxes provisionais de persoas admitidas e excluídas e o centro en que debe realizar a proba.

* As persoas matriculadas para a 1ª convocatoria que non superen a totalidade dos ámbitos da proba consideraranse matriculadas para a 2ª convocatoria sen que teñan que presentar nova documentación.

As solicitudes de inscrición deberán presentarse presencialmente nos centros educativos sinalados ou en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal/ (código de procedemento ED540A), dirixido á Dirección Xeral de Formación Profesional da Consellería de Educación, Ciencia, Universidades e Formación Profesional.

Na Coruña: EPAPU Eduardo Pondal, rúa da Educación, 3, 2º. 15011- A Coruña. Tel.: 881 960 901

LUGARES, DATAS E HORARIO DE REALIZACIÓN PROBA

Constituiranse sedes para a realización da proba nas seguintes localidades: A Coruña, Ferrol, Santiago de Compostela, Lugo, Ourense, Pontevedra e Vigo. A relación dos centros educativos que actúen como sedes de exame publicaranse xunto coa lista de persoas admitidas e excluídas.

En sesións de mañá e tarde: de 9:00-13:15h e de 16:00-19:00h.

27 de marzo de 2026

5 de xuño de 2026

MÁIS INFO:

Páxina web:

www.edu.xunta.gal/portal/ea/obtencion-de-titulos

Contacto:

Consellería de Educación, Ciencia, Universidades e Formación Profesional

Departamento territorial da Coruña. Edificio Administrativo de Monelos, 7º andar

R/ Vicente Ferrer, 2. 15008 - A Coruña

Tel.: 981 184 700 / 981 184 731

e-correo: educadultos@edu.xunta.gal

Publicación: DOG 16/01/2026

Clases de español para persoas estranxeiras

Estas clases, impartidas nas Bibliotecas Municipais Sagrada Familia e Ágora, están destinadas a persoas estranxeiras de orixe non hispana que teñan dificultades para comunicarse en español. O seu obxectivo é unha mellora no manexo lingüístico das situacións cotiás e un achegamento, a través do idioma, á cultura local.

Cando:

Dende o 03/02/2026 ata o 11/06/2026

Requisitos:

As prazas son limitadas, polo que é necesario inscribirse para cada cuadrimestre na propia biblioteca de forma presencial.

Inscricións:

Dende o 19/01/2026 ata o 03/02/2026

Horario:

Biblioteca Municipal Sagrada Familia:

• Grupo I: Martes e xoves, de 18.00 a 19.00 h
• Grupo II: Martes e xoves, de 19.00 a 20.00 h

Biblioteca Municipal Ágora:

• Grupo I: Martes e xoves, 16.00 a 17.00 h
• Grupo II: Martes e xoves, 17.00 a 18.00 h

Prezo:

Gratis

Páxina web:

coruna.gal/bibliotecas

Contacto:

Biblioteca Municipal Sagrada Familia

R/ Antonio Pereira, 1, baixo. 15007-  A Coruña

tel: 981 184 392

e-correo: bsagradaf@coruna.gal

Biblioteca Municipal Ágora

R/ Lugar Gramela, 17. 15011- A Coruña

tel: 981 189 886

e-correo: bagora@coruna.gal

III Xornadas de Orientación Artística e Profesional (XOAP 2026)

 As III Xornadas de Orientación Artística e Profesional (XOAP 2026) están organizadas polo Servizo Municipal de Educación do Concello da Coruña e teñen como obxectivo informar sobre os estudos Superiores de Deseño e os ciclos de Formación Profesional e ensinos Artísticos (ordinaria e básica) que se imparten nos centros públicos da cidade da Coruña.

Dirixido a alumnado que estea a cursar ESO, bacharelato e FP e que desexe coñecer os ciclos formativos artísticos e de FP, así como os estudos Superiores de Deseño que se imparten na cidade da Coruña.

A charla sobre FP BÁSICA, ademais de estar dirixida ao alumnado de ESO, tamén está aberta ás Anpas e persoas interesadas.

As xornadas organízanse en:

• VISITAS GUIADAS ás instalacións de cada un dos ciclos de FP e das ensinanzas artísticas profesionais, complementadas con charlas informativas. En horario de tarde.
• Unha PRESENTACIÓN DOS ESTUDOS SUPERIORES DE DESEÑO que se poden cursar en Galicia, e visita á EASD Pablo Picasso.
• E unha CHARLA SOBRE A FP BÁSICA, dos ciclos que se imparten en 5 centros públicos de FP da cidade: CIFP Paseo dás Pontes, CIFP Someso, IES Fernando Wirtz, IES Rosalía Mera e IES Urbano Lugrís.

Cando:

• Do 23 ao 25 de febreiro de 2026: CICLOS FORMATIVOS. VISITAS Aos CENTROS PÚBLICOS DE FP da cidade e á EASD Pablo Picasso.
• O mércores 25 de febreiro, ás 17.30h: ESTUDOS SUPERIORES DE DESEÑO EN GALICIA, na EASD Pablo Picasso R/ Os Pelamios, 2).
• O luns 2 de marzo ás 17.30h : CHARLA SOBRE Os CICLOS DE FP BÁSICA, no Fórum Metropolitano (R/ Río Monelos, 1).

Acceso ás Xornadas:

O alumnado inscrito ten que presentar a CREDENCIAL correspondente para poder acceder ás visitas e charlas.

No caso de non dispoñer de credencial e que haxa prazas libres, poderase asistir ás visitas e charlas unha vez que accedan as persoas con credencial.

Requisitos:

A solicitude de inscrición en liña faina directamente a persoa interesada en acudir ás Xornadas a través da ficha de inscrición. IMPORTANTE: verifica que os ciclos e charlas solicitadas non coincidan en horario. Datas de inscripción: 

• Do 19/01/2026 ao 06/02/2026, a las 14:00h, para o alumnado matriculado en centros da cidade.
• Do 26/01/2026 ao 6/02/2026, a las 14:00h, para o alumnado matriculado en centros de fóra da cidade.

Unha vez feita a solicitude a aplicación elabora un pdf confirmando a inscrición, onde se incorpora a CREDENCIAL de acceso ás Xornadas. Este pdf, de confirmación e credenciais, envíase ao correo electrónico indicado no formulario.

* Para resolver dúbidas e problemas sobre o proceso de inscrición en liña podes escribir a gestionim@edu.coruna.es.

Páxina web:

www.coruna.gal/educacion

Contacto:

Servizo de Municipal de Educación

tel:  981 184 200 - ext. 10179  (de luns a venres de 9:00-14:00h)

e-correo: educacion@coruna.gal

Rede Municipal de Información Xuvenil

tel: 981 189 888 | 981 184 294 | 981 189 895

Telegram//Whatsapp: 606 362 366

e-correo: cmix@coruna.gal

Admisión FP: Formación acelerada 2ª edición (xaneiro-xuño)

A Consellería de Educación, Ciencia, Universidades e Formación Profesional ven de convocar o proceso de admisión para a 2ª edición da nova Formación Acelerada da FP. A FP Acelerada é un bloque coherente de módulos que dan lugar, a lo menos, a unha certificación académica e profesional. Concéntrase nun período curto de tempo, de 4 a 6 meses. 

Ofertaranse dúas edicións pro curso académico: a 1ª edición de setembro a xaneiro e a 2ª edición de xaneiro a xuño.

A finalidade é obter unha cualificación de xeito rápido, acumular esta formación para obteren posteriormente un título, e facilitar o acceso ao emprego nos sectores clave para Galicia nos que existe plena inserción profesional.

Requisitos:

• Para realizar unha formación acelerada será preciso ter dezaoito anos ou facelos no ano 2026 e cumprir os requisitos de acceso ao grao básico, medio ou superior segundo corresponda.
• Acceso persoas con titulación estranxeira: os datos persoais e académicos da credencial de homologación ou da declaración responsable para inscrición condicionada teñen que coincidir cos da solicitude de admisión.

Calendario proceso de admisión Formación acelerada 2ª edición

• Prazo de presentación de solicitudes: do 1 de decembro ás 9:00h até o  18 de decembro ás 13:00h de 2025.
• Publicación de resolución provisional de solicitudes: 9 de xaneiro de 2026.
• Reclamación contra a resolución provisional de solicitudes: do 9 de xaneiro ás 9:00h até o 13 de xaneiro ás 13:00h.
• Resolución definitiva de solicitudes: 16 de xaneiro.
• Período de selección polo centro educativo: do 14 ao 15 de xaneiro ás 12:00h.
• Resolución das prazas adxudicadas e en espera: 16 de xaneiro.
• Período de matrícula para a as persoas admitidas: do 16 de xaneiro ás 9:00h ao 23 de xaneiro ás 13:00h de 2026.
• Adxudicación continuada (chamamento telefónico): do 26 de xaneiro ás 9:00h ao 30 de xaneiro ás 13:00h.
• Pódense liberar prazas vacantes de Formación Acelerada até o 30 de xaneiro ás 13:00h.

Oferta

OFERTA DE FORMACIÓN ACELERADA 2ª EDICIÓN NA CORUÑA, 2025-2026

Páxina web:

www.edu.xunta.gal/fp/ven-fp

Contacto:

Departamento de Orientación de calquera centro público de Galicia con oferta de FP

Servizo de Xestión da Formación Profesional

tel: 881 997 408 / 881 996 559

e-correo: admision.ciclos@edu.xunta.gal

Bolsas Norteamérica 2026-27

Programa mediante o cal ao alumnado de 4.º da ESO empadroado no Concello da Coruña ofréceselle a oportunidade de cursar o Grao 11 (equivalente a 1.º de Bacharelato) en Canadá. 

O programa ten como obxectivo que as persoas participantes adquiran un dominio avanzado da lingua inglesa, así como un coñecemento real doutra cultura.

Inscricións:

Dende o 05/11/2025 ata o 18/11/2025

O prazo de presentación de solicitudes é de 10 días hábiles contados a partir do día seguinte ao da publicación do extracto das bases e da convocatoria do programa no Boletín Oficial da Provincia da Coruña.

As persoas solicitantes deberán seguir os seguintes pasos para inscribirse no programa:

1. Facer a inscrición en liña na web municipal de educación (www.coruna.gal/educacion) a través da ficha específica do programa. Unha vez feita a inscrición o sistema elabora un xustificante de confirmación que se envía ao correo electrónico facilitado na solicitude e que debe ser achegado co resto de documentación a presentar no Concello para formalizar a solicitude. Este xustificante ten un número de asignación (ID) que será o de referencia de cada expediente no proceso.
2. Presentar por rexistro a documentación complementaria do expediente e o xustificante de confirmación da inscrición en liña (documento do apartado anterior) debidamente asinado pola persoa solicitante e os seus titores legais. O nome da persoa que debe de aparecer como interesada na solicitude presentada por rexistro debe de ser o do/a menor que solicita a bolsa.

Contacto:

Servizo Municipal de Educación

Tel. 981 184 200 - Ext. 10911

educacion@coruna.gal

Requisitos:

Poderá ser adxudicatario da bolsa o alumnado empadroado no Concello da Coruña e escolarizado nun centro educativo da cidade, que cumpra os seguintes requisitos:

• Estar en posesión do documento nacional de identidade (en diante, DNI) ou número de identidade de estranxeiro (en diante, NIE).
• Residir e estar empadroado co seu pai, nai ou representante legal, de ser o caso, no Concello da Coruña no momento da solicitude.
• Estar matriculado e cursando 4º de ESO, nun centro escolar da cidade da Coruña, no curso 2025-2026.
• Contar no curso de 3º da ESO cunha cualificación media de 6 puntos ou máis e non ter ningunha materia suspensa.
• Contar no curso de 3º da ESO cunha cualificación de 7 puntos ou máis na materia de lingua estranxeira (inglés).
• Non estar incurso nas prohibicións para obter a condición de beneficiario/a, recollidas na Lei 9/2007, de 13 de xuño, de subvencións de Galicia. Este requisito será comprobado só no caso de resultar adxudicatario, podendo dar lugar a que un solicitante inicialmente admitido pase a estar excluído por non cumprir este requisito na data de finalización do prazo de presentación de solicitudes.
• Máis información en: https://www.coruna.gal/educacion/gl/programas-educativos/detalle-programa/bolsas-norteamerica-2026-27/contenido/1453894788915 

Axudas FCT

Axudas económicas coa finalidade de compensar parcialmente os gastos extraordinarios derivados da realización das actividades que se desenvolven na empresa, correspondentes ao módulo de FCT ou á FP dual.

Modalidades de axudas:

• Modalidade A: alumnado matriculado en ciclos formativos de grao básico, grao medio e grao superior de formación profesional, cursos de especialización de formación profesional, ensinanzas profesionais de artes plásticas e deseño, ensinanzas deportivas de réxime especial e programas formativos, que realice a formación en empresa dentro do territorio español.
• Modalidade B: alumnado matriculado en ciclos formativos de grao básico, grao medio ou grao superior de formación profesional, cursos de especialización de formación profesional, ensinanzas profesionais de artes plásticas e deseño, ensinanzas deportivas de réxime especial e programas formativos, que realice a formación en empresa fóra do territorio español.

Convócanse dous períodos de presentación de solicitudes:

• 1ª prazo, do 19 de agosto ao 10 de setembro de 2025, para o alumnado que realizase a FCT nos períodos de outubro de 2024-marzo de 2025 e nos períodos de xaneiro-xuño, xaneiro-marzo e abril-xuño de 2025. Acollerase a este primeiro prazo o alumnado matriculado en ensinanzas de FP dual, en réxime xeral ou intensivo, que realice o seu período formativo na empresa ata o 31 de agosto de 2025. O alumnado a que lle corresponda realizar a FCT no período de setembro-decembro de 2025 e que anticipe a súa realización non se acollerá a este primeiro prazo.
• 2º prazo, do 14 de outubro ao 14 de novembro de 2025, para o alumnado que lle corresponda realizar a FCT no período de setembro-decembro de 2025. Este alumnado deberá finalizar obrigatoriamente o período de formación en centros de traballo antes do 31 de decembro de 2025. Acollerase a este segundo prazo o alumnado matriculado en ensinos de FP dual, en réxime xeral ou intensivo, que realice o seu período formativo na empresa no período de setembro-decembro de 2025. 

Requisitos:

• Estar matriculado nun centro público de Galicia ou, no caso dos centros privados, nun ensino concertado coa Consellería de Educación, Ciencia, Universidades e Formación Profesional.
• Realizar prácticas en empresas ou entidades colaboradoras, entre setembro de 2024 e decembro de 2025, no marco dun ciclo formativo de grao básico, grao medio ou grao superior de formación profesional, cursos de especialización de formación profesional, ensinanzas profesionais de artes plásticas e deseño, ensinanzas deportivas de réxime especial e programas formativos.
• Finalizar completamente o período de formación práctica en centros de traballo ou finalizar completamente o período de formación en empresas establecido para un curso académico en ensinos de FP dual, en réxime xeral ou intensivo, antes do 31 de decembro de 2025.
• Realizar como mínimo o 80 % das xornadas en empresa establecidas en cada ensino segundo o establecido no currículo ou no proxecto de FP dual intensiva para o curso académico correspondente.
• No caso do alumnado de ensinos de FP dual en réxime intensivo, que o proxecto non inclúa axudas para o desprazamento ou aloxamento.
• No caso da modalidade A, que o concello do centro de traballo sexa distinto do concello do centro educativo e distinto do concello de residencia do alumno ou da alumna durante o período de realización da formación en empresa.
• No caso da modalidade B, que o alumno ou a alumna non gozase dunha axuda Erasmus+ KA121, KA122 ou calquera outra axuda que financie totalmente o período de realización da formación en empresa.

Remuneración / Dotación:

• Modalidade A: cando o alumnado realice a formación en empresa dentro do territorio español

A.1. Dentro da Comunidade Autónoma: 12,50 euros por semana ata un máximo de 375 euros.
A.2. Fóra da Comunidade Autónoma: 20 euros por semana ata un máximo de 375 euros.

• Modalidade B: cando o alumnado realice a formación en empresa fóra do territorio español:

Grupo 1: países da UE e asociados ao programa Erasmus+: Alemaña, Austria, Bélxica, Dinamarca, Finlandia, Francia, Irlanda, Islandia, Italia, Liechtenstein, Luxemburgo, Noruega, Países Baixos e Suecia. Terceiros países non asociados ao programa Erasmus+ do grupo 1: 175 euros/semana.
Grupo 2: países da UE e asociados ao programa Erasmus+: Chequia, Chipre, Eslovaquia, Eslovenia, Estonia, Grecia, Letonia, Malta e Portugal. Terceiros países non asociados ao programa Erasmus+ do grupo 2: 140 euros/semana.
Grupo 3: países da UE e asociados ao programa Erasmus+: Bulgaria, Croacia, Hungría, Lituania, Macedonia do Norte, Polonia, Romanía, Serbia e Turquía. Terceiros países non asociados ao programa Erasmus+ do grupo 3: 100 euros/semana.

MÁIS INFO: 

Páxina web:

www.edu.xunta.gal/fct/

Contacto:

Consellería de Educación, Ciencia, Universidades e Formación Profesional

Dirección Xeral de Formación Profesional

Edificio Administrativo San Caetano. 15781 Santiago de Compostela

Teléfono: 881 996 505

Email: csp@edu.xunta.gal

Publicación: DOG 18/08/2025

Sede electrónica (sede.xunta.gal): procedemento ED202A

CONSELLOS PARA AFRONTAR O BACHARELATO

 Presentación da compañeira Noemí Sánchez.

Consultar o estado da miña solicitude de admisión e FP

Para consultar o estado da miña solicitude de admisión en FP, e se estou admitida/o nalgún ciclo, os pasos a seguir son sinxelos: 

• Accedemos á aplicación: https://www.edu.xunta.gal/ciclosadmision/

• Identificámonos co noso documento de identidade e o código da solictude (código alfanumérico que está baixo o código de barras da vosa solicitude de admisión). Prememos en "Buscar"

• Aparecerá a túa primeira solicitude validada.

Cando se publique a resolución provisional de solicitudes (08 de xullo) aparecerá na parte inferior esquerda un botón con fondo amarelo co texto “Provisional” que permitirá acceder a dita resolución. 

Os botóns “Definitiva” e “Adxudicación” estarán activos cando se publique a resolución definitiva de solicitudes e a adxudicación de prazas.

Podedes consultar a guía completa aquí

ADMISIÓN A CICLOS FORMATIVOS DA OFERTA ORDINARIA A PARTIR DO 23 DE XUÑO ATA O 02 DE XULLO

@lvexplica Abre o prazo de inscrición na FP! Tes ata o vindeiro 2 de xullo ás 13 horas para pedir praza nalgún dos ciclos básicos, medios ou superiores que podes cursar na comunidade. #lavozexplica #fp #formaciónprofesional #galicia ♬ sonido original - La Voz Explica

Admisión do alumnado nos centros docentes sostidos con fondos públicos que impartan ciclos formativos de formación profesional de grao medio e de grao superior en réxime ordinario.

Pasos a seguir para participar no proceso de admisión a ciclos:

INSCRICIÓNS:

Dende o 16/06/2025 (o 23 o alumnado que cumpre requisitos de acceso no 2025) ata o 02/07/2025 até as 13.00h.

Durante os períodos de solicitude establecidos (cumprindo os requisitos de acceso), utilizar o asistente informático para xerar unha solicitude web. 

Deberase cubrir unha única solicitude para cada grao (unha para CM e outra para CS).

En cada solicitude poderá optarse a 4 opcións de centro e ciclo. Podedes consultar a oferta AQUÏ

A  aplicación avisará no caso de que fose necesario achegar documentación, que poderá engadirse en soporte electrónico. Non será necesario presentar o resgardo da solicitude nin a documentación nun centro, agás que a aplicación indique que para ser unha solicitude válida terá que ser entregada, xunto coa documentación necesaria, nun centro educativo con oferta de FP sostida con fondos públicos, para ser selada, datada e validada. 

CONSULTA DE SOLICIUDE E DE ADXUDICACIÓN

Consulta as Resolucións de solicitudes (provisional e definitiva) e as de adxudicación nas datas sinaladas no calendario de admisión na web de Formación Profesional  https://www.edu.xunta.gal/fp/admision-fp-25-26 

Podes ver o estado da túa solicitude en https://www.edu.xunta.gal/ciclosadmision/publico/BusquedaConsultaCodigo.do 

MATRÍCULA

No caso de ter adxudicación, durante o periodo establecido matricularse ou renunciar (a renuncia so é necesaria no caso do réxime ordinario).

Adxudicación de praza: As prazas adxudicadas publícanse nas listaxes de adxudicación. As persoas con praza adxudicada poden:

• Matricularse: deberase facer no centro adxudicado e nos prazos establecidos. Para efectuar esta matrícula, deberán obter o modelo de impreso de solicitude de matrícula que estará dispoñible en http://www.edu.xunta.gal/fp. Este documento, cuberto coa matrícula e asinado, deberase entregar persoalmente ou por persoa autorizada no prazo de matrícula establecido para a correspondente adxudicación no centro en que lle fose adxudicada a praza en que se vaia matricular. Así mesmo, está dispoñible o servizo de reserva/matrícula de praza a través da aplicación informática; esta é unha opción máis recomendable que a de efectuala de xeito presencial. O centro, durante a primeira semana de clase, solicitaralle ao alumnado matriculado por este procedemento a xustificación do pagamento do seguro escolar e poderá solicitar a documentación relativa ao requisito de acceso. Estar matriculada en ESO, bacharelato ou FP (incluída a FCT) ou ter unha praza adxudicada  na FP Dual Intensiva ou dun Curso de Especialización de FP implica a exclusión dos procesos de admisión a ciclos formativos.
• Renunciar á praza: deberase facer, nos prazos establecidos, en calquera centro público de Galicia con oferta de FP a través do asistente web. A renuncia afectará á praza que lle foi adxudicada e a todos os ciclos sinalados en lugares posteriores na solicitude. Seguirase no proceso de adxudicación para os ciclos anteriores á praza á que se renuncia. Renunciar á adxudicación dunha praza da oferta ordinaria é condición indispensable para permanecer na listaxe de espera dos ciclos de maior preferencia que a praza adxudicada. 
• Non matricularse nin renunciar: as persoas con praza adxudicada que non se matriculen e non presenten renuncia no prazo indicado perderán o dereito á praza e só poderán matricularse no caso de existir prazas vacantes ou liberadas.

 

DATAS DE MÁIS RELEVANCIA 

1. Presentación de solicitudes do 16 de xuño ate o 2 de xullo ás 13 h. Quen obteña o requisito de acceso por obter un título de FP ou a ESO no curso 24/25 presentará a solicitude a partir do 23 de xuño.
2. Resolución provisional de solicitudes 8 de xullo. 
3. Reclamación á listaxe provisional do 8 ao 10 de xullo ás 13:00h.
4. Resolución definitiva de solicitudes 15 de xullo.
5. 1ª adxudicación 15 de xullo.
6. Matrícula ou renuncia do 15 ao 18 de xullo ás 13:00h.
7. 2ª adxudicación 22 de xullo .
8. Matrícula ou renuncia  do 22 ao 24 de xullo ás 13:00h.
9. 3ª adxudicación 29 de xullo.
10. Matrícula ou renuncia do 29 ao 31 de xullo ás 13 h.
11. Adxudicación continuada (chamamento): do 1 ao 26 de setembro ás 13 h.
12. Período de solicitude de matrícula simultánea: presentación de solicitudes (sempre que existan prazas disipoñibles) do 8 ao 12 de setembro ás 13:00h.
13. Matriculación (sempre que existan prazas dispoñibles e con resolución positiva do servizo de inspección educativa: do 16 ao 19 setembro ás 13:00h.

Máis información:

www.edu.xunta.gal/fp

Contacto:

Departamento de orientación de calquera centro público de Galicia con oferta de FP.

Servizo de xestión de FP:

tel: 881 997 408 / 881 996 559 

e-correo: admision.ciclos@edu.xunta.gal

Admisión ciclos de Formación Profesional Básica Ordinaria curso 2025-2026

OFERTA DE PRAZAS

Oferta ordinaria grao profesional básica por provincia e concello.

Inscricións:

Dende o 16/06/2025 ata o 02/07/2025 até as 13.00h

O alumnado que estea escolarizado en 2º, 3º ou 4º da ESO presentará a solicitude do 23 de xuño ás 9:00 horas ata o 2 de xullo ás 13:00h.

CALENADARIO DE ADMISIÓN

• 8 de xullo: resolución provisional de solicitudes.
• Do 8 ao 10 de xullo (até as 13:00h): reclamación contra a resolución provisional de solicitudes.
• 15 de xullo: resolución definitiva de solicitudes.
• 15 de xullo: 1ª adxudicación e adxudicación continuada (chamamento).

PRAZO DE MATRÍCULA

• Matriculación 1ª adxudicación: 15 xullo ás 9:00 ao 31 de xullo ás 13:00h.
• Matriculación adxudicación continuada (chamamento): 1 setembro ás 9:00 horas ao 26 ás 13:00h.

INFORMACIÓN DO PROCEDEMENTO DE ADMISIÓN:

A consulta de toda a información do proceso poderá facerse na páxina web www.edu.xunta.gal/fp no centro de orixe ou naquel no que se teña adxudicada a praza. A aplicación Ciclosadmisión permitirá a consulta individualizada de información durante todo o proceso e especialmente durante os períodos correspondentes ás resolucións de solicitudes admitidas e excluídas, e de adxudicación. Para a consulta da situación individual poderase usar o DOI e o código da solicitude, usuario e contrasinal de edu.xunta.gal, chave 365 ou certificado dixital.

LUGARES PRESENTACIÓN DE SOLICITUDES 

O alumnado procedente de 3º ou de 4º de ESO que desexe solicitar por petición propia, xunto cos seus pais, nais ou persoas titoras, a incorporación a un ciclo formativo de grao básico, deberá facer a solicitude no seu centro de orixe, no prazo de presentación de solicitudes establecido. O centro facilitará a información e a documentación necesaria, e asesorará este alumnado no proceso de realización da solicitude.

O alumnado que non estea escolarizado no sistema educativo e desexe incorporarse a un ciclo formativo de grao básico deberá facer a solicitude no centro no que se oferta o ciclo do seu interese no prazo de presentación de solicitudes establecido. O centro facilitará a información e a documentación necesaria, e asesorará este alumnado no proceso de realización da solicitude. Se a persoa solicitante é menor de idade, a solicitude deberá asinarse polo pai, a nai ou persoas titoras.

O centro educativo completará a carga das solicitudes de admisión a ciclos formativos de grao básico na aplicación e fará entrega do resgardo de solicitude á persoa solicitante. Na aplicación faranse constar catro ciclos de grao básico por orde de preferencia.

Requisitos:

• Alumnado que estea cursando 2º de ESO que faga 15 ou 16 anos no ano natural de inicio do ciclo formativo de grao básico se, excepcionalmente, é proposto polo centro educativo para a súa incorporación a un ciclo formativo de grao básico.
• Alumnado que estea cursando 3º ou 4º de ESO que solicite por petición propia, xunto cos seus pais, nais ou persoas titoras, a incorporación a un ciclo formativo de grao básico.
• Alumnado que repita 1º curso e alumnado que acade promoción ou repita 2º curso dun ciclo formativo de grao básico.
• Persoas non escolarizadas no sistema educativo que, cumprindo os requisitos legalmente establecidos (non posuír titulación de formación profesional nin outro título que acredite a finalización de estudos secundarios completos e que como máximo faga 20 anos no ano natural de inicio do ciclo formativo), desexa incorporarse a estas ensinanzas.

CONSULTA ATENTAMENTE:

Instrucións xerais proceso admisión FP Básica oferta ordinaria.

PROCEDEMENTO ADXUDICACIÓN DE PRAZAS:

As prazas adxudicaranse conforme os seguintes criterios de prioridade:

• Alumnado que cursase 2º de ESO.
• Alumnado que cursase 3º de ESO.
• Alumnado que cursase 4º de ESO.
• Alumnado non escolarizado.

Dentro de cada grupo, ordenarase de menor a maior idade.

Páxina web:

www.edu.xunta.gal/fp

Contacto:

Departamento de orientación de calquera centro público de Galicia con oferta de FP.

Servizo de xestión de FP:

tel: 881 997 408 / 881 996 559 

e-correo: admision.ciclos@edu.xunta.gal