Diseño de Veronica
Blogue deseñado co fin de axudar ao meu alumnado no deseño do seu proxecto persoal, académico e profesional
29 de abr. de 2022
27 de abr. de 2022
Probas de acceso ao Conservatorio Profesional de Danza da Coruña, curso 2022-2023
O Conservatorio Profesional de Danza da Deputación da Coruña abre o prazo para inscribirse ás probas de acceso para o curso 2022-2023 para o nivel de iniciación e os graos elemental e profesional.
DATAS DAS PROBAS DE ACCESO CURSO 2022/2023
INICIACIÓN E 1º GRAO ELEMENTAL: preinscricións ata o 31 de maio de 2022
1º GRAO PROFESIONAL: preinscricións ata o 24 de maio de 2022
RESTO DE CURSOS: preinscricións ata o 20 de xuño de 2022
Clica na imaxe para obter máis información.
Probas de acceso ao grao profesional de música para o curso 2022-2023
O Conservatorio Profesional de Música da Coruña convoca as probas de acceso ao 1º curso do 1º curso do grao profesional.
INSCRICIÓN PARA A PROBA: do 27 de abril ao 12 de maio de 2022.
A inscrición farase online. A documentación presentarase na secretaría do centro de 9.30-13.00h.
16 de maio: publicación admitidas/os e excluidos/as e datas e horarios das probas.
DATAS DAS PROBAS: do 23 ao 25 de maio de 2022.
26 de maio: publicación admitidas/os e lista de espera.
PRAZO RECLAMACIÓNS: do 27 de maio ao 2 de xuño.
MATRÍCULA para os alumnos/as que obtiveron praza: 1 e 2 de xuño.
Clica na imaxe para ler toda a información sobre o proceso.
Probas de acceso ao grao elemental de música para o curso 2022-2023
O Conservatorio Profesional de Música da Coruña convoca as probas de acceso ao 1º curso do grao elemental.
INSCRICIÓN PARA A PROBA: do 25 de abril ao 12 de maio de 2022. Farase a inscrición online seleccionando un instrumento.
16 de maio: publicación admitidas/os e do desenvolvemento das charlas.
18 de maio: charla presencial informativa sobre o desenvolvemento das probas, presentación de instrumentos e posibilidade de cambiar o instrumento elixido.
19 de maio: posibilidade de modificación da especialidade da inscrición (até as 13.00h).
23 de maio: publicación definitiva admitidas/os por especialidade e datas e horarios probas (14.00h).
DATAS REALIZACIÓN DA PROBA: do 30 de maio ao 1 de xuño de 2022.
PUBLICACIÓN ADXUDICACIÓN PRAZAS E LISTA DE ESPERA: 3 de xuño (13.00h).
PRAZO RECLAMACIÓNS: do 6 ao 10 de xuño (horario de secretaría).
REUNIÓN APROBADAS/OS SEN PRAZA: 6 de xuño ás 16:00h.
MATRÍCULA para os alumnos/as que obtiveron praza: do 6 ao 8 de xuño de 2022 (horario secretaría).
Clica na imaxe para obter toda a información sobre o proceso
Xornadas de Portas Abertas (telemáticas) Escola Superior de Arte Dramática de Galicia
- Por que realizar estudos de artes escénicas?
- Cal é a oferta educativa da ESAD?
- Que competencias se adquiren en dirección escénica e dramaturxia? E en escenografía e interpretación?
- Cal é a relación co ámbito profesional?
- Como van desenvolverse as probas de acceso?
- Dúbidas e preguntas
- Dirección escénica e dramaturxia: danisalgado@edu.xunta.gal
- Interpretación: noeliablanco@edu.xunta.gal
- Escenografía: anarteaga@edu.xunta.gal
- Dirección escénica e dramaturxia: danisalgado@edu.xunta.gal
- Interpretación: noeliablanco@edu.xunta.gal
- Escenografía: anarteaga@edu.xunta.gal
- Máis información clicando na imaxe.
Campamentos deportivos verán 2022 - Deputación da Coruña
- Campamentos deportivos organizados pola Deputación da Coruña no IES Rosalía Mera, para rapazas e rapaces de 9 a 14 anos (nados entre o 1 de xaneiro do 2008 e o 31 de decembro do 2013).
- O programa de actividades inclúe deportes náuticos, actividades ao aire libre, xornada de praia, actividades no centro, visitas culturais...
- Datas a ter en conta:
- Clica na imaxe para obter toda a información.
Premios extraordinarios de bacharelato, curso 2021/22
Convócanse ata 20 premios extraordinarios de bacharelato correspondentes ao curso 2021/22 coa finalidade de recoñecer e valorar os méritos excepcionais baseados no esforzo e no traballo do alumnado que cursou cun excelente resultado académico o bacharelato na Comunidade Autónoma de Galicia.
Deberanse ter rematados os estudos de bacharelato no curso 2021/22 nun centro docente da Comunidade Autónoma de Galicia, e contar cunha nota media do bacharelato igual ou superior a 8,75. O alumnado deberá realizar unha proba presencial de carácter único en toda a Comunidade, o día 23 de xuño de 2022 nos lugares e no horario que se darán a coñecer mediante resolución da Consellería de Cultura, Educación e Universidade.
O alumnado que obteña o premio extraordinario percibirá a dotación económica (1.000 € por premio), e ademais recibirá un diploma acreditativo. A distinción de obter premio extraordinario farase constar nas certificacións académicas que se emitan.
26 de abr. de 2022
UNIFERIA: FEIRA VIRTUAL DE UNIVERSIDADES EN ESPAÑA
Os días 26 e 27 de abril terá lugar a Feira Virtual de Universidades, promovida pola CRUE, que permite o encontro dos Futuros Estudantes cos Graos que se van a impartir o vindeiro curso 2022-23. O alumnado poderá visitar as casetas virtuais das Universidades españolas participantes e facer consultas en directo.
Funciona dun xeito similar a unha Feira Universitaria presencial: https://grado.uniferia.org.
A navegación por UNIFeria é libre, tras rexistrarse.
21 de abr. de 2022
Convocatoria das probas de acceso ás ensinanzas deportivas para o curso 2022/23
A solicitude de inscrición presentarase na secretaría dalgún dos centros educativos vinculados a cada modalidade deportiva. Na modalidade de fútbol deberá presentarse necesariamente na secretaría do centro elixido para realizar a proba específica.
ACCESO AO GRAO MEDIO
Terá acceso ao grao medio das ensinanzas deportivas o alumnado que cumpra calquera dos seguintes requisitos:
a) Para o acceso ao ciclo inicial ou primeiro nivel de grao medio, dispor do título de graduado en educación secundaria obrigatoria, ou equivalente, e superar unha proba de carácter específico ou acreditar un mérito deportivo.
Para o acceso ao ciclo final ou segundo nivel de grao medio, ter superados os estudos do ciclo inicial ou primeiro nivel na correspondente modalidade ou especialidade deportiva, e poderase requirir a superación dunha proba de carácter específico ou acreditar un mérito deportivo.
b) O alumnado que non dispoña do título de graduado en educación secundaria, ou equivalente para os efectos académicos, deberá ter 17 anos e superar unha proba de acceso substitutiva do requisito de titulación. A idade mínima establecida deberase cumprir dentro do ano natural da realización das probas. A superación da devandita proba dará tamén acceso ás actividades de formación deportiva de nivel I
A proba substitutiva do requisito de titulación de grao medio poderase substituír por:
1º. Proba de acceso a ciclos formativos de grao medio de formación profesional.
2º. Parte común da proba de acceso aos ciclos formativos de grao superior de formación profesional.
3º. Proba substitutiva do requisito de titulación de acceso aos ciclos formativos de grao medio de artes plásticas e deseño.
4º. Proba substitutiva do requisito de titulación de acceso aos ciclos formativos de grao superior de artes plásticas e deseño.
5º. Proba de acceso á universidade para maiores de 25 anos.
6º. Proba de acceso substitutiva do requisito de titulación para as ensinanzas artísticas superiores.
c) As persoas que, estando matriculadas no cuarto curso de educación secundaria obrigatoria, estean pendentes do procedemento de revisión no centro, ou de resolución da xefatura territorial da Consellería de Cultura, Educación e Universidade, a respecto de reclamación das cualificacións do curso 2021/22, deberán presentar igualmente a solicitude de inscrición no prazo establecido, e poderán realizar a proba de acceso de grao medio de carácter específico. De permitir o resultado da reclamación a obtención do título de educación secundaria obrigatoria, estas persoas serán avaliadas da proba de carácter específico realizada.
O prazo de inscrición na proba substitutiva do requisito de titulación de educación secundaria obrigatoria e/ou na proba específica de grao medio será o comprendido entre o día seguinte ao da publicación desta resolución e o día 29 de xuño de 2022, ambos os dous incluídos.
ACCESO AO GRAO SUPERIOR
Terá acceso ao grao superior das ensinanzas deportivas o alumnado que cumpra os seguintes requisitos:
a) Dispor do título de técnico deportivo na correspondente modalidade ou especialidade deportiva; poderase requirir, ademais, a superación dunha proba de carácter específico, acreditar un mérito deportivo ou cumprir cos requisitos relativos á experiencia deportiva que se poidan establecer na especialidade ou modalidade correspondente, e ter, cando menos, algún dos seguintes títulos, ou outro declarado equivalente para os efectos académicos:
1º. Bacharelato.
2º. Título de técnico superior.
3º. Título universitario.
O alumnado que non posúa o título de bacharelato, ou equivalente, ou algún dos títulos establecidos na alínea anterior, deberá ter 19 anos e superar unha proba de acceso substitutiva do requisito de titulación que se establece no anexo II desta resolución. A idade mínima establecida deberase cumprir dentro do ano natural da realización das probas.
A superación da proba substitutiva do requisito de titulación de grao superior dará tamén acceso ás actividades de formación deportiva de nivel III
A proba substitutiva do requisito de titulación de grao superior poderase substituír pola superación dalgunha das seguintes probas:
1º. Parte común da proba de acceso aos ciclos formativos de grao superior de formación profesional.
2º. Proba substitutiva do requisito de titulación de acceso aos ciclos formativos de grao superior de artes plásticas e deseño.
3º. Proba de acceso á universidade para maiores de 25 anos.
4º. Proba de acceso substitutiva do requisito de titulación para as ensinanzas artísticas superiores
O prazo de inscrición na proba substitutiva do requisito de titulación de bacharelato será o comprendido entre o día seguinte ao da publicación desta resolución e o día 23 de maio de 2022, ambos os dous incluídos.
Proba substitutiva do requisito de titulación de ESO para acceder ás ensinanzas deportivas
As persoas aspirantes deberán realizar un total de tres exames que deberán seleccionar obrigatoriamente na solicitude de inscrición.
Estes exames realizaranse no IES San Clemente, rúa de San Clemente, s/n, Santiago de Compostela, o día 7 de xullo de 2022, de acordo co seguinte horario: Ás 11.30 horas: presentación. Das 12.00 ás 13.00 horas: área sociocultural. Das 13.00 ás 14.00 horas: Lingua Galega. Das 16.00 ás 17.00 horas: área científico-tecnolóxica. Das 17.00 ás 18.00 horas: Lingua Castelá.
Proba substitutiva do requisito de titulación de bacharelato para acceder ás ensinanzas deportivas
As persoas aspirantes deberán realizar un total de tres exames que deberán seleccionar obrigatoriamente na solicitude de inscrición.
Estes exames realizaranse no IES San Clemente, rúa de San Clemente, s/n, Santiago de Compostela, o día 31 de maio de 2022, de acordo co seguinte horario: Ás 11.30 horas: presentación. Das 12.00 ás 13.00 horas: Filosofía. Das 13.00 ás 14.00 horas: Historia de España. Das 16.00 ás 17.00 horas: Lingua Galega e Literatura. Das 17.00 ás 18.00 horas: Lingua Castelá e Literatura. Das 18.30 ás 19.30 horas: Lingua Estranxeira (inglés ou francés).
Máis información clicando na imaxe:
Instrucións para o acceso e a admisión do alumnado ás ensinanzas artísticas superiores de Arte Dramática para o curso 2022/23
Para o acceso ás ensinanzas artísticas superiores de Arte Dramática, en calquera das súas especialidades, requirirase estar en posesión do título de bacharelato, ou ter superada a proba de acceso á universidade para maiores de 25 anos, así como a superación da correspondente proba específica
O prazo de presentación de solicitudes comprenderá desde o día seguinte ao da publicación desta resolución ata o 23 de maio. As persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o 23 de xuño.
Proba que substitúe o requisito de titulación de bacharelato para o acceso ás ensinanzas artísticas superiores
Á proba que substitúe o requisito de titulación poderán presentarse as persoas aspirantes que non estean en posesión do título de bacharelato ou non teñan superado a proba de acceso á universidade para maiores de 25 anos e teñan 18 anos ou os fagan no ano 2022.
As persoas inscritas deberán ter feito constar o seu desexo de realizar esta proba na inscrición e, para a súa realización, deberán presentar, o día da proba, o seu documento oficial de identidade e a copia da folla de solicitude de inscrición.
As persoas aspirantes deberán realizar un total de cinco exames no IES San Clemente, rúa de San Clemente, s/n, Santiago de Compostela, o día 31 de maio de 2022, de acordo co seguinte horario: 11.30 horas: presentación. Das 12.00 ás 13.00 horas: Filosofía. Das 13.00 ás 14.00 horas: Historia de España. Das 16.00 ás 17.00 horas: Lingua Galega e Literatura. Das 17.00 ás 18.00 horas: Lingua Castelá e Literatura. Das 18.30 ás 19.30 horas: Lingua Estranxeira (inglés ou francés).
Probas específicas de acceso ás ensinanzas artísticas superiores de Arte Dramática
As probas específicas de acceso desenvolveranse na Escola Superior de Arte Dramática de Galicia, rúa da Poza Cabalo, s/n, Vigo, e darán comezo o día 4 de xullo, de acordo co calendario e horario que estableza o tribunal encargado da súa realización e cualificación. 4. A proba de acceso ás ensinanzas superiores de Arte Dramática será realizada por especialidades. Constará dunha única proba que comprenderá diferentes exercicios, referidos á especialidade pola que opten as persoas aspirantes.
As persoas inscritas deberán presentar para a realización da proba o seu documento oficial de identidade e copia da folla de solicitude de inscrición.
Máis información clicando na imaxe:
Instrucións para o acceso e a admisión do alumnado ás ensinanzas artísticas superiores de Conservación e Restauración de Bens Culturais para o curso 2022/23
Para o acceso ás ensinanzas artísticas superiores de Conservación e Restauración de Bens Culturais, en calquera das súas especialidades, requirirase estar en posesión do título de bacharelato, ou ter superado a proba de acceso á universidade para maiores de 25 anos, así como a superación da correspondente proba específica de acceso.
Poderá acceder ás ensinanzas artísticas superiores de Conservación e Restauración de Bens Culturais, sen necesidade de realizar a proba específica de acceso, quen estea en posesión dun título de técnico superior de Artes Plásticas e Deseño.
As persoas aspirantes que opten polo acceso directo deberán formalizar igualmente a súa inscrición no proceso de acceso e admisión segundo o procedemento e o calendario establecido na resolución para as persoas aspirantes que non se acollan a realizar a proba que substitúe o requisito de titulación de bacharelato.
O prazo de presentación de solicitudes comprenderá desde o día seguinte ao da publicación desta resolución ata o 23 de maio. As persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o 23 de xuño.
Proba que substitúe o requisito de titulación de bacharelato para o acceso ás ensinanzas artísticas superiores
Á proba que substitúe o requisito de titulación poderanse presentar as persoas aspirantes que non estean en posesión do título de bacharelato ou non superasen a proba de acceso á universidade para maiores de 25 anos e acrediten unha idade igual ou superior aos 18 anos ou que os fagan no ano 2022.
As persoas aspirantes deberán ter feito constar o seu desexo de realizar esta proba na inscrición, e para a súa realización deberán presentar, o día da proba, o seu documento oficial de identidade e a copia da folla de solicitude de inscrición.
As persoas aspirantes deberán realizar un total de cinco exames no IES San Clemente, na rúa de San Clemente, s/n, Santiago de Compostela, o día 31 de maio de 2022, de acordo co seguinte horario: 11.30 horas: presentación. Das 12.00 ás 13.00 horas: Filosofía. Das 13.00 ás 14.00 horas: Historia de España. Das 16.00 ás 17.00 horas: Lingua Galega e Literatura. Das 17.00 ás 18.00 horas: Lingua Castelá e Literatura. Das 18.30 ás 19.30 horas: Lingua Estranxeira (inglés ou francés)
Probas específicas de acceso ás ensinanzas artísticas superiores de Conservación e Restauración de Bens Culturais
Realizaranse na Escola Superior de Conservación e Restauración de Bens Culturais de Galicia, na rúa do Xeneral Martitegui, s/n, Pontevedra, o día 5 de xullo, de acordo co calendario e co horario que estableza o tribunal encargado da súa realización e cualificación.
A proba específica de acceso ás ensinanzas artísticas superiores de Conservación e Restauración de Bens Culturais constará de dous exercicios: un análise dun texto relacionado cos bens culturais, nun tempo máximo de noventa minutos, e terá como obxecto apreciar a madureza e formación xeral do alumnado, especialmente no referente á compresión de conceptos, utilización da linguaxe e capacidade de síntese e relación, e unha proba de aptitude plástica.
Máis información clicando na imaxe:
Instrucións para o acceso e a admisión do alumnado ás ensinanzas artísticas superiores de Deseño para o curso 2022/23
O acceso ás ensinanzas artísticas superiores de Deseño, en calquera das súas especialidades, requirirase estar en posesión do título de bacharelato ou ter superado a proba de acceso á universidade para maiores de 25 anos, así como a superación da correspondente proba específica.
Poderá acceder ás ensinanzas artísticas superiores de Deseño, sen necesidade de realizar a proba específica de acceso, quen estea en posesión dun título de técnico superior de Artes Plásticas e Deseño. As persoas aspirantes que opten polo acceso directo deberán formalizar igualmente a súa inscrición no proceso de acceso e admisión segundo o procedemento e o calendario establecido nesta resolución para as persoas aspirantes que non se acollan a realizar a proba que substitúe o requisito de titulación de bacharelato.
O prazo de presentación de solicitudes comprenderá desde o día seguinte ao da publicación desta resolución ata o 23 de maio.
As persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o 23 de xuño.
Probas específicas de acceso ás ensinanzas artísticas superiores de Deseño
As probas específicas de acceso realizaranse o día 5 de xullo nas catro EASD de Galicia, de acordo co seguinte horario:
a) Primeira parte: das 11.00 ás 13.00 horas.
b) Segunda parte: das 16.00 ás 20.00 horas.
– 1º exercicio: das 16.00 ás 18.00 horas.
– 2º exercicio: das 18.00 ás 20.00 horas.
EASD Pablo Picasso; rúa dos Pelamios, nº 2, A Coruña.
EASD Mestre Mateo; rúa da Virxe da Cerca, nº 32, Santiago de Compostela.
EASD Ramón Falcón; Paseo dos Estudantes, s/n, Lugo.
EASD Antonio Faílde; avenida da Universidade, A Cuña, nº 18, Ourense
As persoas inscritas deberán presentar, para a realización da proba, o seu documento oficial de identidade e copia da folla de solicitude de inscrición.
A proba específica de acceso ás ensinanzas artísticas superiores de Deseño constará de dúas partes:
Primeira parte: Durante un máximo de dúas horas, a partir dun texto, imaxe e/ou material audiovisual proporcionado polo tribunal, as persoas aspirantes deberán facer por escrito un comentario crítico e razoado e responder a/as cuestión/s que o tribunal lles formule ao respecto.
Segunda parte. As persoas aspirantes realizarán dous exercicios de debuxo durante un máximo de catro horas:
– 1º exercicio: debuxo mimético á man alzada, do natural ou a partir da documentación facilitada, dun modelo proposto polo tribunal, realizado a lapis de grafito sobre papel tamaño DIN A3.
– 2º exercicio: debuxo á man alzada, utilizando os sistemas e técnicas de representación máis apropiados, que serán definidos polo tribunal, do modelo do exercicio anterior.
Nesta parte da proba o tribunal valorará a fidelidade representativa, os coñecementos amosados e a exactitude e limpeza da execución.
Proba que substitúe o requisito de titulación de bacharelato para o acceso ás ensinanzas artísticas superiores
A esta proba poderanse presentar as persoas aspirantes que non estean en posesión do título de bacharelato ou non superasen a proba de acceso á universidade para maiores de 25 anos e teñan 18 anos de idade ou que os fagan no ano 2022. 3
As persoas aspirantes deberán ter feito constar o seu desexo de realizar esta proba na inscrición, e para a súa realización deberán presentar, o día da proba, o seu documento oficial de identidade e a copia da folla de solicitude de inscrición.
As persoas aspirantes deberán realizar un total de cinco exames no IES San Clemente, na rúa de San Clemente, s/n, Santiago de Compostela, o día 31 de maio de 2022, de acordo co seguinte horario: Ás 11.30 horas: presentación. Das 12.00 ás 13.00 horas: Filosofía. Das 13.00 ás 14.00 horas: Historia de España. Das 16.00 ás 17.00 horas: Lingua Galega e Literatura. Das 17.00 ás 18.00 horas: Lingua Castelá e Literatura. Das 18.30 ás 19.30 horas: Lingua Estranxeira (inglés ou francés).
Máis información na imaxe
Instrucións para o acceso e a admisión do alumnado ás ensinanzas artísticas superiores de Música para o curso 2022/23
Para o acceso aos estudos superiores de Música, en calquera das súas especialidades, requirirase estar en posesión do título de bacharelato ou ter superada a proba de acceso á universidade para maiores de 25 anos, así como a superación da correspondente proba específica a que se refire o artigo 54.2 da Lei orgánica 2/2006, do 3 de maio, de educación, modificada pola Lei orgánica 3/2020, do 29 de decembro.
Aquelas persoas que desexen realizar a proba específica de acceso e teñan pendente algunha das materias do bacharelato poderán inscribirse no proceso de acceso e admisión e realizar a dita proba e, no caso de superala, poderán optar á asignación da praza solicitada, unha vez que estean en posesión do título de bacharelato.
O prazo de presentación das solicitudes comprenderá desde o día seguinte ao da publicación desta resolución ata o 23 de maio.
Máis información clicando na imaxe:
Probas específicas de acceso ás ensinanzas superiores de Música
A proba constará de tres partes, e realizaranse no Conservatorio Superior de Música da Coruña, rúa de Manuel Murguía, 44, e no Conservatorio Superior de Música de Vigo, rúa de Manuel Olivié, 23, e comezarán o día 14 de xuño, de acordo co calendario que para tal efecto estableza a comisión de acceso.
As persoas inscritas deberán presentar para a realización da proba o seu documento oficial de identidade e a copia da folla de solicitude de inscrición.
Proba que substitúe o requisito de titulación de bacharelato para o acceso ás ensinanzas artísticas superiores
A esta proba poderán presentarse as persoas aspirantes que non estean en posesión
do título de bacharelato ou non teñan superada a proba de acceso á universidade para
maiores de 25 anos e teñan 16 anos de idade ou os fagan no ano 2022. As persoas aspirantes deberán ter feito constar o seu desexo de realizar esta proba
na inscrición, e para a súa realización deberán presentar, o día
da proba, o seu documento oficial de identidade e a copia da folla de solicitude de inscrición. As persoas aspirantes deberán realizar un total de cinco exames no IES San Clemente, rúa de San Clemente, s/n, Santiago de Compostela, o día 31 de maio de 2022, de
acordo co seguinte horario:
Ás 11.30 horas: presentación.
Das 12.00 ás 13.00 horas: Filosofía.
Das 13.00 ás 14.00 horas: Historia de España.
Das 16.00 ás 17.00 horas: Lingua Galega e Literatura.
Das 17.00 ás 18.00 horas: Lingua Castelá e Literatura.
Das 18.30 ás 19.30 horas: Lingua Estranxeira (inglés ou francés).
19 de abr. de 2022
PLAN DE FORMACIÓN DE XUVENTUDE E VOLUNTARIADO
O prazo de inscrición para ambos apartados formativos ábrese o luns 11 de abril a partir das 10.00 horas e permanecerá aberto ata cubrir as prazas ofertadas en cada un dos cursos. As inscricións faranse a través da plataforma de teleformación de voluntariadogalego.org.
A selección das persoas participantes será por rigorosa orde de inscrición, sempre e cando se cumpran os requisitos. De igual xeito, unha mesma persoa pode apuntarse a máis dun curso se cumpre os requisitos.
8 de abr. de 2022
Buscador e guía de estudos superiores de Galicia: Guía de Estudos Superiores de La Voz de Galicia
7 de abr. de 2022
I Xornada de Portas Abertas do Campus Industrial de Ferrol (modalidade presencial)
O Campus Industrial e o Servizo de Estudantes da Universidade da Coruña organizan a I Xornada de Portas Abertas do Campus Industrial de Ferrol (modalidade presencial), o 22/04/2022.
O horario da visita será de 09:00 a 15:00 horas en quenda de mañá (centros educativos) e de 16:00 a 20:00 horas, para o público en xeral (individuais, grupos, en familia...)
Podedes inscribirvos ata o 11/04/2022 ás 14:00h. Para formalizar a inscrición en liña: https://bit.ly/3iooB00
Máis info: www.udc.gal/campusindustrial
Axudas para participar no programa Aulas da Natureza durante o verán 2022
600 axudas para a participación gratuíta na actividade e ata 30 axudas por gastos de desprazamento desde territorio insular
O programa "Aulas da Natureza" verán de 2022 engloba actividades de natureza e medio ambiente, actividades específicas para fomentar a inclusión do alumnado con necesidades específicas de apoio educativo, actividades de animación e lúdico-deportivas.
Organízase en tres quendas de doce días, durante o período comprendido entre o 3 de xullo ao 11 de agosto de 2022, coa seguinte distribución:
- 1º quenda: do 3 ao 14 de xullo de 2022
- 2º quenda: do 17 ao 28 de xullo de 2022
- 3º quenda: do 31 de xullo ao 11 de agosto de 2022
Cada quenda ofrece a participación de 200 alumnos/as distribuídos equitativamente en 2 instalacións diferentes, reservándose en cada quenda e instalación un 30% das prazas para alumnos de nee.
REQUISITOS:
- Alumnado matriculado en centros públicos españois, que non presenta necesidades educativas especiais, cursando 6º curso de Educación Primaria ou 1º de Educación Secundaria Obrigatoria.
- Alumnado que presenta necesidades educativas especiais escolarizado tanto en centros ordinarios como en centros específicos de educación especial, que cursa o último curso de Educación Primaria, ou primeiro curso de Educación Secundaria Obrigatoria ou Educación Básica Obrigatoria.
- Informe do Departamento de Orientación, co visto e prace da Dirección, que xustifique a conveniencia da súa participación dende o punto de vista psicopedagóxico e que acredite que o alumno posúe un grao de autonomía e condicións persoais suficientes que posibilitan a súa participación.
2 de abr. de 2022
Encontros virtuais na Zona USC: Do 7 ao 13 de abril de 2022
Neste enlace podedes consultar os horarios das conferencias
Para participar na videoconferencia, debes proceder da seguinte forma:
- Preme en “Acceder á videoconferencia”.
- Ábrese o Navegador e, se non tes instalado Teams, elixe “Continuar en este explorador”
- Ábrese outra ventana e elixe “Unirse ahora”
- Xa podes participar na Videoconferencia.
Sesións de videoconferencia
Venres, 8 de abril, de 10:00 a 11:00h. e 16:00 a 17:00h.
Luns, 11 de abril, de 10:00 a 11:00h.
Martes, 12 de abril, de 9:00 a 10:00h.
Mércores, 13 de abril, de 11:00 a 12:00h.
Encontros virtuais: Proceso de Preinscrición e Matrícula nas Universidades de Galicia
Velaquí algúns videos de interese:
Recursos para alumnado que non fala o noso idioma
O CEIP Valle Inclán comparte esta selección de recursos moi útiles para alumnado que descoñece as nosas linguas. Grazas!
- Podes utilizar a extensión de Google chamada READ and WRITE para traballar diferentes documentos, páxinas webs, etc. Esta extensión de Google Chrome crea unha barra de ferramentas na que temos dicionario, pictiogramas,tradutor, etc.
- No enderezo http://alumnadoextranjero.blogspot.com/?m=1 hai moitas ligazóns clasificadas por temas sobre diferentes aspectos de interese para a acollida. Materiais, actividades... para o alumnado de orixe estranxeira que poidamos ter nos coles.
- CADERNOS DE COMUNICACIÓN CON PICTOGRAMAS DE ARASAAC PARA Os REFUXIADOS DE UCRAÍNA – TRADUCIÓNS EN DIFERENTES IDIOMAS
Cartas vocabulario español-ruso
Diccionario Visual Español-Ruso
- Documentos de Google para traballar diferentes exercicios. Elixe no menú FERRAMENTAS a opción de Traducir documento. Poderás traducir tanto as túas instrucións como as respostas do alumnado.
- Matific é unha plataforma educativa para o ensino e a aprendizaxe das matemáticas, dedicada a estudantes e docentes desde Nivel Inicial 5 ata 6ºde Primaria Está dispoñible en ucraíno.
- En twinkl atopamos unha serie de ferramentas didácticas para o manexo da linguaxe ucraína e español
- Tarxetas de vocabulario: Coloréelos
- Tarxetas de vocabulario : Emociones
- Tapiz de vocabulario: A roupa
- Ficha de actividade: Pasaporte ao meu novo colexio
- Ficha de vocabulario: Utensilios de cociña
- Tarxetas educativas: Os verbos.
- Tapiz de vocabulario: O meu corpo
- Tapiz de vocabulario: Formas xeométricas
- Tapiz de vocabulario: Os que nos axudan
- Tapiz de vocabulario: Os meses do ano
- Google Lens é unha aplicación móbil de Google, dispoñible tanto para Android como para iOS.Instalas a aplicación, enfocas o texto que queres traducir, a aplicación analízao para recoñecer a lingua en que está escrito, fai a tradución en tempo real e, permite escoitar o resultado na lingua de destino: ucraíno, ruso, chinés, francés...
- Dicionario ilustrado bilingüe para nenos Español-Ucraíno.
- Microsoft Translator é unha aplicación de tradución persoal e gratuíta para máis de 60 idiomas que permite traducir texto, voz, conversacións, fotos da cámara e capturas de pantalla. Tamén permite descargar idiomas para usalos ao viaxar e traducir contido sen conexión de forma gratuíta. Dispoñible tanto para android coma para IOS
- Manual de entendimiento en ucraniano https://www.venconnosotros.es/documentos/manual-ucraniano.pdf
- Recursos ELE de la Junta de Andalucía
- O teclado virtual permite escribir directamente cos caracteres do teu idioma de forma sinxela, independentemente do computador que utilices. Para utilizar un teclado virtual, debes habilitar as Ferramentas de introdución de texto.
- Gboard é unha aplicación de teclado virtual desenvolvida por Google para dispositivos Android e iOS.
- A forma divertida, efectiva e gratis de aprender un idioma
Premios extraordinarios de bacharelato correspondentes ao curso 2023/24
A Consellería de Educación, Ciencia, Universidades e Formación Profesional convoca os premios extraordinarios de bacharelato co obxectivo d...
-
ORDE do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria ...
-
Os datos das solicitudes admitidas e excluídas publícanse hoxe na relación provisional de solicitudes , que non son listaxes de prazas adxud...
-
O proceso de admisión nos ciclos formativos de Formación Profesional non é complexo, pero convén telo claro, así que convén ler estas instru...