BONO CULTURAL XOVE

O Bono Cultural Xove é unha axuda directa de 400 euros do Ministerio de Cultura e Deporte, dirixida á mocidade nada en 2005 para adquirir e gozar de produtos e actividades culturais. 

INSCRICIÓNS: Dende o 13/06/2023 ata o 31/10/2023 

 REQUISITOS: 

• Cumprir dezaoito anos durante o ano 2023. 
• Posuír a nacionalidade española ou residencia legal en España. Poderán ser igualmente beneficiarias aquelas persoas que sexan solicitantes de asilo, desprazados/as temporais ou extutelados/as. 

En que o poderei gastar? 

• 200 euros para artes en vivo, patrimonio cultural e artes audiovisuais. Por exemplo, entradas e abonos para artes escénicas, música en directo, cinema, museos, bibliotecas, exposicións e festivais escénicos, literarios, musicais ou audiovisuais. 
• 100 euros para produtos culturais en soporte físico. Por exemplo libros, revistas, prensa, ou outras publicacións periódicas; videoxogos, partituras, discos, CD, DVD ou Blu-ray. 
• 100 euros para consumo dixital ou en liña. Por exemplo, subscricións e alugueiros a plataformas musicais, de lectura ou audiolectura, ou audiovisuais, compra de audiolibros, compra de libros dixitais (e-books), subscrición para descarga de arquivos multimedia (podcasts), subscricións a videoxogos en liña, subscricións dixitais a prensa, revistas ou outras publicacións periódicas.

Como o podo pedir?

A solicitude faise exclusivamente a través da páxina web.

 Para iso necesitarás Cl@ve con rexistro básico ou avanzado ou Certificado dixital.

- Se xa tes 18 anos no momento de pedir o bono, podes facelo con calquera destes métodos de identificación dixital: 

• Cl@ve con rexistro básico ou avanzado ou Certificado dixital. 
• Recomendámosche Cl@ve con rexistro básico, que podes solicitar e obter por videochamada.
• Se non cumpriches os 18 anos no momento de solicitar o bono, unicamente poderás solicitar Cl@ve con rexistro avanzado, e deberás facelo de forma presencial nunha oficina. Consulta as instrucións aquí .

Se lle vas pedir a unha persoa adulta que te represente:

Tanto se tes 18 anos cumpridos (e naciches en 2005) como se aínda non os cumpriches, pódeslle pedir a unha persoa maior de idade que faga a solicitude no teu nome como representante. A persoa adulta necesitará ter Cl@ve con rexistro básico ou avanzado ou Certificado Dixital.

Nos dous casos é importante que crees unha conta co teu correo electrónico.

PÁXINA WEB: 

https://bonoculturajoven.gob.es 

CONTACTO:

Bono Cultural Xove - Solicitude  Tel.: 917 406 793

Correo electrónico: bcj@fnmt.es 

Horaro de atención: Das 8.00 ás 19.00 horas de luns a venres laborables de ámbito nacional, 

Uso da tarxeta/métodos de pago 

 Tel.: 910 971 223 

 Correo electrónico: bonoculturaljoven@correosprepago.es 

 Horario de atención: Das 8.00 ás 19.00 horas, de luns a venres laborables de ámbito nacional. 

Publicación: BOE 13/06/2023 BOE 27/09/2023 (extracto da Resolución pola que se amplía o prazo de presentación de solicitudes ata o 31 de outubro). 

Becas e axudas de interese de convocatoria actual

• Alumnado matriculado en 4º ESO: Becas Fundación Amancio Ortega para estudiar en Canadá y Estados Unidos curso 2024/2025
• Alumnado matriculado en Ciclos Formativos (Grado Medio y Superior) con discapacidad:  Becas ‘Oportunidad al Talento’ para universitarios con discapacidad
• Alumnado matriculado en Ciclos Formativos (Grado Medio y Superior) con discapacidad: Becas 2023 en Máster, Grado o FP para personas con discapacidad
• Alumnado titulado de Ciclo Superior Formación Profesional: Becas GLOBAL TRAINING: Becas para realizar prácticas en el extranjero - Convocatoria 2023

Adxudicación continuada en Ciclos Formativos (11-29 de setembro)

Nos ciclos con listaxe de espera, abrirase un proceso de adxudicación de prazas vacantes residuais entre o 11 de setembro ás 9:00 horas ao 29 de setembro ás 13:00 horas. 

Os centros con prazas nesta situación, efectuarán chamamentos telefónicos ás persoas que corresponda segundo a lista de espera para cubrir as prazas vacantes. As chamadas efectuaranse aos números de teléfono consignados na solicitude de admisión. 

Procederase á matriculación das persoas que acepten a praza. Para cada persoa realizaranse un mínimo de tres intentos de chamada separados por media hora. Se houber dous teléfonos intentarase en ambos. Se finalmente non se localiza a persoa, pasarase á seguinte da lista.

No caso de contactar coa persoa, explicaráselle que ten a posibilidade de matricularse na praza vacante (pode dárselle media hora para pensalo). 

A persoa ten dúas opcións logo de recibida a información: 

• Renunciar: a renuncia é exclusivamente a esa praza (ciclo ou módulo). No resto das listaxes de espera nas que estivese, non será modificada a súa posición, incluídas aquelas de menor prioridade, xa que este é un procedemento deseñado para cubrir as vacantes residuais do proceso de admisión. 
• Aceptar: a persoa terá 24 horas para entregar toda a documentación para formalizar a matrícula e iniciar a actividade lectiva. Non presentarse no prazo implicará a perda do dereito sobre esa praza. A aceptación da praza significará a renuncia a continuar no proceso de admisión..

Nesta fase do proceso, cada centro chama ao alumnado das súas listaxes de espera de xeito independente, polo que non é posible ter en conta a orde de prioridade que cada persoa establecera na súa solicitude de admisión. Deste xeito, pode ocorrer que unha mesma persoa pode ser chamada desde varios centros diferentes, mesmo unha persoa xa chamada neste proceso e pendente de matrícula, pode ser chamada por outro centro.

Matrícula simultánea en ciclos formativos

O alumnado matriculado nun ciclo formativo, en bacharelato ou na ESO poderá solicitar a autorización de matrícula simultánea de acordo co procedemento e nas condicións que se establecen no artigo 6 da Orde do 12 de xullo de 2011 pola que se regulan o desenvolvemento, a avaliación e a acreditación académica do alumnado das ensinanzas de formación profesional inicial. 

O prazo de presentación de solicitudes abranguerá desde o 11 de setembro ás 9:00 horas, sempre que existan prazas dispoñibles e non haxa listaxe de espera, ata o 14 de setembro ás 13:00 horas.

 O Servizo Territorial de Inspección Educativa resolverá a autorización no prazo que abrangue desde o 11 de setembro ata o 19 de setembro ás 14:00 horas, á vista dos informes da inspección dos centros implicados na solicitude, se existe unha compatibilidade horaria mínima do 90 %, que se deberá remitir ao centro educativo a través da aplicación informática que xestiona a admisión antes do remate do período de matrícula. 

De acordo co artigo 6.2.d) da citada Orde do 12 de xullo de 2011, logo de concedida a autorización da matrícula simultánea, o alumno ou a alumna poderán formalizar a matrícula no centro educativo no prazo que abrangue desde o 20 ás 9:00 horas ata o 22 de setembro ás 13:00 horas, sempre que existan prazas dispoñibles e non haxa listaxe de espera. 

No caso do alumnado que teña pendente de superación unicamente o módulo de Formación en centros de traballo e/ou o módulo de Proxecto, de ser o caso, poderá solicitar a matrícula simultánea, a partir do 11 de setembro ou en calquera momento do curso académico, co fin de efectuar a matrícula no devandito módulo, nas condicións establecidas no artigo 6.5 da Orde do 28 de febreiro de 2007 pola que se regula o módulo profesional de formación en centros de traballo da formación profesional inicial, para o alumnado matriculado en centros educativos da Comunidade Autónoma de Galicia.

Bolsas "Retorna"

A Consellería de Cultura, Educación, Formación Profesional e Universidades convoca o programa Retorna Talento FP, para persoas galegas residentes no estranxeiro interesadas en retornar e cursar determinados estudos de formación profesional que se inicien no curso académico 2023/24 en centros educativos de Galicia.

REQUISITOS:

Ser menor de 40 anos.

Estar en posesión da nacionalidade española

Residir no estranxeiro.

Acreditar un mínimo de dous anos de residencia fóra de España inmediatamente anteriores á data da presentación da solicitude.

Cumprir, polo menos, unha das seguintes condicións: 

• Ser emigrante nacido/a en Galicia.
• Ser emigrante non nado/a en Galicia, pero ter residido en Galicia de forma continuada durante dez anos con nacionalidade española antes de emigrar.
• Ser descendente por consanguinidade de emigrante nado/a en Galicia, sempre que a persoa solicitante nacese no estranxeiro.
• No caso das persoas nacidas no estranxeiro, estar vinculadas a un concello galego. 

No caso das persoas solicitantes da modalidade B:

• Estar en posesión dalgunha das titulacións que dan acceso ao ciclo formativo correspondente. A titulación deberá estar homologada e acreditarase mediante a correspondente credencial de homologación. Non obstante, permitirase a inscrición condicionada neste procedemento mediante a presentación da solicitude de homologación xunto coa declaración responsable.
• Dispoñer de conexión á internet e ordenador ou dispositivo móbil compatible coa plataforma de teleformación da Consellería de Cultura, Educación, Formación Profesional e Universidades.

REMUNERACIÓN / CUSTO:

Modalidade A: a contía de cada bolsa será de 6.500 €.

Modalidade B: a contía de cada bolsa será de 10.800 €.

PÁXINA WEB:

www.edu.xunta.gal/ciclosadmision

CONTACTO:

Consellería de Cultura, Educación, Formación Profesional e Universidades. Dirección Xeral de Formación Profesional

San Caetano, s/n. 15781 Santiago de Compostela

Teléfono: 981 546 546

Correo electrónico retorna.talento.fp@edu.xunta.gal

Publicación: DOG 18/08/2023

Sede electrónica (sede.xunta.gal): procedemento ED333B