Os datos das solicitudes admitidas e excluídas publícanse hoxe na relación provisional de solicitudes , que non son listaxes de prazas adxudicadas.
Para consultar a situación persoal nas listaxes deberase obter o CPC da aplicación informática Ciclosadmisión, xa que os datos de identificación serán substituídos poe ese código. O CPC é un código alfanumérico único para cada persoa que participa no proceso de admisión de FP.
Unha das vías para de acceder a Ciclosadmisión, tanto ao historial persoal de admisión como para poder obter o CPC, é empregar o código de solicitude e o número do documento oficial de identidade.
No momento en que se completa unha solicitude de admisión a ciclos formativos de FP o asistente informático xera un documento PDF de resgardo. Neste resgardo aparece o código de solicitude tal e como se mostra na imaxe:
- Primeiro hai que seleccionar na pantalla de inicio de Ciclosadmisión a ligazón “Admisión FP: Consulta de solicitudes validadas” ou “Admisión FP: Ver código persoal de consulta”
- Na pantalla que aparece haberá que escribir o número do documento oficial de identificación (DNI, NIE ou pasaporte, sempre coas letras en maiúscula) empregado no proceso de admisión e o código de solicitude.
- Aparecerá unha pantalla co código persoal de consulta que nos identificará en todas as listaxes públicas do proceso de admisión.
Nesta aplicación tamén se poderá consultar toda a información do historial persoal do proceso de admisión (datos persoais, solicitudes e adxudicación de prazas), así como realizar accións como a reserva de matrícula ou a renuncia a prazas adxudicadas nos prazos establecidos para o efecto.
Ningún comentario:
Publicar un comentario
Nota: só un membro deste blog pode publicar comentarios.