A Consellería de Política Social e Xuventude convoca prazas e bolsas nas residencias xuvenís da súa titularidade destinadas a persoas mozas que, por estudos ou traballo, se vexan obrigadas a permanecer fóra do concello onde teñen a súa residencia habitual durante o curso 2023-2024.
INSCRICIÓNS:
Ata o 03/08/2023
DURACIÓN:
O período máximo de estadía será de 11 meses (no período establecido para cada curso académico, agás vacacións de Nadal e Semana Santa).
PREZO:
A cota que deberá aboar a persoa residente por mes será:
- Habitación dobre: 324 € por persoa residente e mes.
- Habitación cuádrupla: 250 € por persoa residente e mes.
As persoas estudantes colaboradoras bolseiras, ademais dos servizos xerais, desfrutarán do aloxamento e mantenza gratuítos na residencia xuvenil durante o seu período ordinario de funcionamento, de setembro a xullo.
REQUISITOS:
Nacionalidade española, dun país membro da Unión Europea ou persoas estranxeiras residentes en España.
Non ter perdido a condición de residente en convocatorias anteriores por causa imputable á persoa solicitante.
a) Requisitos específicos para as persoas solicitantes estudantes non bolseiras:
Ter os 16 anos feitos e non superar os 30 anos na data do 31 de decembro de 2023.
Estar cursando estudos de bacharelato, formación profesional, ciclos formativos, estudos universitarios tendentes á obtención do título de grao ou equivalente, doutorados ou estudos de mestrados universitarios oficiais.
Que no concello onde radique a súa residencia habitual, debidamente acreditada, non exista oferta de centros públicos para realizar o curso, nivel ou grao correspondente aos estudos que vaia cursar a persoa solicitante. Aquelas persoas que conten con oferta de centros públicos no seu lugar de residencia pero non alcancen a nota de corte ou puntuación académica mínima exixida para o ingreso, poderán optar ás prazas ofertadas.
b) Requisitos específicos para as persoas solicitantes traballadoras:
(Ver convocatoria)
c) Requisitos específicos para as persoas estudantes colaboradoras bolseiras:
Ter os 18 anos feitos e non superar os 30 anos na data do 31 de decembro de 2023.
Ter unha renda media familiar inferior ao 150 % do indicador público de renda de efectos múltiples (Iprem) do ano en curso.
As persoas estudantes colaboradoras bolseiras terán as seguintes obrigas:
- Cumprir os obxectivos e executar o proxecto de actividades.
- Colaborar coa dirección do centro para o desenvolvemento de protocolos de estadía das persoas mozas nas residencias xuvenís, de acordo co establecido no proxecto de actividades.
- Participar no programa Correspondentes xuvenís da Dirección Xeral de Xuventude, Participación e Voluntariado, dentro das actividades de información xuvenil e asumindo as obrigas e dereitos derivados do referido programa.
PÁXINA WEB:
CONTACTO:
Consellería de Polícica Social. Servizo de Xuventude e Voluntariado da Coruña
Espazo Amizar. Rúa Gregorio Hernández 2-4. (15011 - A Coruña)
Tel.: 881 881 236
correo-e: xuventudecoruna.benestar@xunta.gal
Publicación: DOG 03/07/2023
Sede electrónica (sede.xunta.gal)
Procedemento BS303B: prazas en residencias xuvenís para estudantes.
Procedemento BS303C: prazas en residencias xuvenís para persoas estudantes colaboradoras bolseiras.
Procedemento BS303D: prazas en residencias xuvenís para persoas traballadoras.
O número de prazas residenciais convocadas e a súa distribución é o seguinte:
Na residencia Altamar de Vigo resérvanse 2 prazas para persoas con discapacidade, adaptadas para persoas con mobilidade reducida.
Nas residencias xuvenís ofertaranse o aloxamento e a mantenza, así como os seguintes servizos:
Aula de estudo-biblioteca.
Salas de xogos.
Televisión.
Conexión á internet (Wifi).
Lavandaría.
Actividades culturais e deportivas.
Caixa de primeiros auxilios.
Ximnasio.
Información do seguimento da persoa residente cando os pais e/ou as nais ou as persoas que sexan titoras legais o soliciten
Ningún comentario:
Publicar un comentario
Nota: só un membro deste blog pode publicar comentarios.