Inscricións: Dende o 17 ata o 28 de abril de 2023.
Requisitos:
- Con carácter xeral, non estar matriculado/a en ciclos formativos de formación profesional nin ter causado baixa no correspondente curso académico.
- Non estar en posesión dun título de formación profesional declarado equivalente ao correspondente título de formación profesional obxecto da proba.
- Cumprir os requisitos de acceso aos ciclos de FP (para ciclos medios, título de FP básica, ESO ou proba de acceso; para ciclos superiores, título de técnico de FP, bacharelato da LOE ou da LOXSE, ou proba de acceso)
- Ter 18 anos, para optar aos títulos de técnico (CM).
- Ter 20 anos, para optar aos títulos de técnico superior (CS), ou 19 anos no caso de posuír xa o título de técnico.
Malia o anterior, se houbera vacantes logo de resolto o proceso de admisión, poderán acceder á realización das probas dos módulos profesionais asociados a unidades de competencia do Catálogo Nacional de Cualificacións Profesionais as persoas adultas que, sen cumpriren as condicións de acceso, teñan acreditada experiencia laboral equivalente ao traballo a tempo completo de 2 anos nunha actividade laboral directamente relacionada co sector profesional do ciclo formativo correspondente.
Excepcionalmente, no caso de que houber vacantes logo de resolto o proceso de admisión, poderán acceder á realización das probas as persoas matriculadas polo réxime de persoas adultas para a superación dos módulos profesionais do mesmo ciclo formativo, sempre que os teñan suspensos de cursos académicos anteriores e non se atopen matriculadas neles no curso académico de realización da proba, até un máximo de 3 módulos/ciclo.
Tamén poderán matricularse de xeito excepcional, no caso de houber vacantes logo de resolto o proceso de admisión, ás persoas que superasen o módulo de FCT, e no caso dos ciclos de grao superior tamén o módulo de Proxecto, nos períodos extraordinarios de setembro-decembro e de xaneiro-marzo, do mesmo curso escolar en que teña lugar a convocatoria de probas libres.
Ningún comentario:
Publicar un comentario
Nota: só un membro deste blog pode publicar comentarios.