Probas de acceso a ciclos formativos de grao medio e superior. Orde da convocatoria 2025.

Publicada a Orde do 4 de febreiro de 2025 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2025 (códigos de procedemento ED312C e ED312D).

• Orde do 4 de febreiro de 2025.

• Probas de acceso a ciclos formativos de grao medio( Celebración da proba:15/05/2025 Presentación ás 9.00h.): O prazo de presentación de solicitudes estará abranguido entre os días 24 de febreiro e 12 de marzo de 2025, ambos os dous incluídos.

• Probas de acceso a ciclos formativos de grao superior (Celebración da proba:  24/04/2025 Presentación ás 9.00h.): O prazo de presentación de solicitudes estará abranguido entre os días 24 de febreiro e 12 de marzo de 2025.

As solicitudes  presentaranse, preferiblemente por vía electrónica a través do formulario  normalizado (Cód. Proc. ED312C) dispoñible na aplicación informática "Ciclosprobas" accesible desde a sede electrónica da Xunta de Galicia.
Tamén se poderán presentar as solicitudes na secretaría de calquera centro docente público que imparta ciclos formativos de formación profesional no curso académico 2024/25. Deberase cubrir a solicitude a través da aplicación "Ciclosprobas", que xerará un documento en formato .pdf, que se deberá imprimir e posteriormente presentar no centro de inscrición. No caso de solicitantes menores de idade poderán realizar a solicitude a través da aplicación informática as persoas titulares da patria potestade ou os representantes legais. O centro de inscrición elixido pola persoa solicitante tomarase como referencia para a asignación da sede de realización da proba de acceso.

Máis información nos enlaces.

• Información proba de acceso a ciclos de grao medio

A proba é común para todos os ciclos formativos de grao medio. Consta de tres partes: a) Parte sociolingüística. Organízase en tres probas: 

• Lingua castelá.

• Lingua galega.

• Ciencias sociais.

b) Parte matemática. Organízase nunha única proba:

• Matemáticas.

c) Parte científico-técnica. Organízase en dúas probas:

• Ciencias da natureza.

• Tecnoloxía.

• Información proba de acceso a ciclos de grao superior

Estructúrase en dúas partes: común e específica.
a) Parte COMÚN. Organízase en tres probas:

• LINGUA GALEGA.

• LINGUA CASTELÁ.

• MATEMÁTICAS

b) Parte ESPECÍFICA: Organízase en tres opcións, A, B e C en función das familias profesionais. A persoa, no momento de formalizar a solicitude de inscrición na proba, elixirá unha única opción (A, B ou C) e, dentro da opción elixida, escollerá dúas materias, das tres ofertadas.