Actividades de formación en linguas estranxeiras para alumnado de Bacharelato

A Consellería de Educación, Ciencia, Universidades e Formación Profesional convoca axudas para actividades de formación en linguas estranxeiras en Canadá, Reino Unido, Francia, Portugal e Alemaña no ano 2025, destinadas ao alumnado dos centros docentes sostidos con fondos públicos.

Inscricións:

Dende o 04/02/2025 ata o 03/03/2025

Duración:

3 semanas nos meses de xullo e agosto de 2025.

Prezo:

A adxudicación de axudas e asignación de prazas na actividade solicitada farase atendendo á puntuación total obtida por cada alumna ou alumno que resulte de aplicar un baremo no que se terán en conta a nota media do expediente no curso 2023/24, a renda per cápita da unidade familiar e outras circunstancias persoais e familiares.

O custo total de cada actividade inclúe:

• Os gastos da viaxe desde o punto de saída dos distintos grupos.
• Os monitores ou monitoras que acompañarán o alumnado en cada un dos grupos durante a actividade.
• Os gastos de docencia e o material escolar.
• As actividades culturais, deportivas e complementarias dos cursos.
• Os gastos de mantenza e aloxamento.
• O certificado de realización da actividade.
• O seguro de accidentes e de responsabilidade civil.

As familias achegarán as cantidades que lles correspondan á empresa adxudicataria encargada da organización técnica da actividade, de acordo coas contías establecidas na convocatoria.

Requisitos:

1. Estar cursando, no réxime xeral, 1º ou 2º de bacharelato, en centros sostidos con fondos públicos, durante o curso 2024/25, na Comunidade Autónoma de Galicia.
2. Ter superadas todas as áreas ou materias no curso 2023/24.
3. Ter acadado no curso 2023/24, na área ou materia de lingua estranxeira que se vai perfeccionar na estadía, unha cualificación mínima de 6.
4. Non ter concedida, no presente curso académico, outra axuda coa mesma finalidade.
5. Estar en posesión do documento nacional de identidade (DNI), número de identidade de estranxeiro (NIE) ou pasaporte.
6. As axudas poderán ser solicitadas polos pais, nais ou titor/a legal, no caso do alumnado menor de idade, ou polo propio alumnado se é maior de 18 anos, sempre que conten con domicilio no territorio da Comunidade Autónoma de Galicia.

Páxina web:

www.edu.xunta.gal

www.edu.xunta.gal/axudasle/

Contacto:

Consellería de Educación, Ciencia, Universidades e Formación Profesional

San Caetano s/n. 15781 Santiago de Compostela 

Teléfono: 881 997 426 / 881 997 419

Email: axudasle@edu.xunta.gal

Publicación: DOG 03/02/2025

Sede electrónica (sede.xunta.gal) procedemento ED504B