CHARLA DA UNIVESIDADE DA CORUÑA (UDC)

 O 10 de marzo tocoulle o turno a Óscar Blanco, técnico de difusión do Servizo do Estudante da UDC, para informarnos sobre a oferta educativa da Universiade da nosa cidade. 

Son moitas as fortalezas desta nosa Universidade, entre elas: 

• O seu marcado carácter internacional, con graos que ofrecen a dobre titulación ao alumnado, ou a posibilidade, en calquera dos mesmos, de cursar un dos niveis nun país da nosa contorna, como o Grao en Dereito, en Enxeñaría Informática, ADE ou o Grao en Inglés; Estudos Lingüísticos e Literarios.
• O plurilingüismo como base, contando con numerosas titulacións que se imparten, cando menos, cun 50% en inglés.
• O seu carácter pioneiro na formación DUAL, implantada xa na Enxeñaría Eléctrica, en Ferrol.
• E o carácter aberto dalgunha das titulacións, que nos permite retrasar a nosa elección un ano, cando xa sabemos os que significa estudar por unha ou outra vía (Grao Aberto en Ciencias Sociais e Grao Aberto en Enxeñarías Industriais).

Ademais disto, e como nas outras Universiades Galegas, contan con Dobles Graos, o que ofrece ao alumnado, nun espazo de tempo máis reducido, contar con dúas titulacións universitarias.

Unha Universidade que é nova, pero que non deixa de medrar e reinventarse respondendo ás necesidades do mercado laboral, implementando progresivamente novas  titulacións (no curso 2022-2023: Grao en Intelixencia Artificial, e Relacións Internacionais)

E, como non vai ser todo estudar, percorremos un pouco pola vida universitaria, coa súa oferta educativa, deportiva, cultural...